شرح معنى الهيآآط..ّّ!!!

اللي عندووهــ شغل يرعص رجووع ويروح ترى ماعندي شي بس ابخرط عليكم شوي والي ماعنده شغل
وراه ماعنده شغل ؟ :scratch:
ورى مايصير عنده شغل ؟ :scratch:
وشوله قولوا لي ؟ :scratch:
أنتم ماتدرون إن الي ماعنده شغل ويجلس تسذا فاضي يمكن يتعرف على صديق سوء والا صديقة سوءة << يسمع بالمؤنث :affraid:
يمكن وانت هالحين جالس فاضي لا شغل ولا مشغله ماتدري الا يمرك صديقك فهد << حاقد على اي واحد اسمه فهد

المهم يمرك ويدق عليك بالجوال يعني اطلع عند الباب همن تجي تبي تطلع وأمك تمسك ثوبك :drunken:
وتقول :لا .. لا .. لا يابُني لاتخرج مع اصدقاء السوء :pale:
وانت تقول :لا.. سوف أخرج .. ألا تعلمين أن فهد معه كامري الفين وسبعة وجوال (إن 73 ،N73 )
:albino: أمك وهي متعلقتن بثوبك : أرجوك ياولدي لاتخرج << تكفون صيحو :( :(
أنت : اتركينن دعينن أخرج مع صديق عمري أيتها العجوز

:suspect:
مير تفلت منها وتطلع وترتسب مع صديقك فهد وأمك دمعته على خده همن يروح بك فهد للمقاهي الي عند
كبري الفحص وتخبرون انتم ان هاك المنطقة قريبة من مدرج مطار الملك خالد والطيارات اذا جن يوقعن يمرن
من فوق المقاهي عشان يوقعن على المدرج المهم وأنتم جالسين تشيشون وتناظرون التفزيون ماتدرون الا الطيارة
شاقتن أم الجدار حق المقهى وداخلتن عليكم همن تدهمتسكم كلكم الاكم من صيد امس .
وأنت يالشيفة لا تعرفين على صديقات السوء ماتدرين يمكن من كثر المكالمات والسواليف الي على الفاضي تنفجر
الطبلة ما ادري الطار الي بإذنتس أو يمكن تخرب الاذن الي بجنب الاذن الوسطى
والا يمكن يجيتس غرغرينة بأصبعتس السبابة حق يدتس اليسرى من كثر ماتدخلينه بخشمتس أثناء المكالمة لامنتس بغيتي تفكرين
geek

8
8
قايل لكم الي عنده شغل يتوكل على الله
المهم
وأنتم عاد مالكم بكثرة الهرج خلون أدخل بعمق موضوعي وخلون اشرح لكم
يالله صفوا وانتبهوا زين لا احد يلتفت والا يكحكح ترى الشاحن بيدي والله اني لو اسمع تسلمه والا شي اني لأوسط الشاحن
بجبهة الي حتسى خلونا نعلمكم يا مال الوهم وكما قال الشاعر:
العلم زينن والشمسُ ساطعتن ××× والعنزُ باكيتن وأنتم ولا تسلمه
والله لو أسمع أحدن حاتسيون ××× بيجيه شاحن مع بقسن ولكمه

السير والمغاط ... بشرح معنى كلمة هياط
تسثيرن من الناس يسمع عن تسلمة (هياط أو مهايط أو يهايط أو مهايطي ) ولكن مايدري وش معناها بالضبط
والحين ابشرحه شرح قصير جدا ان شاء الله مع التمثيل بالصور والفيديو << والله من الفضاوة
قال العلماء : هايطَ يهايطُ مهايطةً فهو مهايطي وهي مهايطية ومعنى الهياط في اللغة : الصياح،
قال ابن منظور في كتابه (لسان العرب ):"والهِياطُ والمُهايطةُ: الصِّياح والجَلَبة" << قسم بالله صدز
أما تعريف الهايط اصطلاحا : هو فعل الشي والمجازفة الخطرة بقصد التميلح.
وينقسم الهياط الي قسمين :
1-هياط عملي
2-هياط قولي
شرح أقسام الهياط بالتفصيل :
الهياط العملي
تعرف الهياط العملي :وهو المجازفة والمغامرة الخطرة بقصد التميلح والاستعراض .
اذكر مرة العيال كانوا جالسين بالشارع الا فيه ولد صغير اسمه عبدالله يمكن عمره 12 سنة واقف على جدار بيتهم
المهم قام واحد من العيال مقلع
قال : ايوه شوفوا عبدالله القوي هالحين بيطب من الجدار
المهم الخبل عبدالله طب من الجدار على الشارع واول ما طاح وهو يصرخ هاك الصرخة ويجون العيال ويقومون
ويروحون ويدخلون بيت واحد من العيال ويتكون بالملحق ويفلونها بولت
يوم جاء من باتسر لقوا عبدالله جالس عند بابهم ورجله مجبصة لما الركبة
ومشكلة هالنوع من الهياط إن عواقبة وخيمة يعني يمكن يموت المهايطي اثناء عملية الهياط مثل الي يطلعون بوجه المفحط
وهو ناطل السيارة على البيبان ويمشي ميتين
أمثلة على الهايط العملي

هذا تكروني خطم على مفحط يفحط وهو يمشي ميتين مير يشطفه المفحط بغى يقشه الا شوي :affraid: والله مابينهم الا كم (سم)
أنا ما ادري كيف يفكر هالتكروني lol!

للتحميل : ارعص هنا

~>http://movie.abunawaf.com/2007/04/h1.zip

هذولي هنود يتضاربون مع أسد والسالفة ومافيها إن الهنود جوا للأسد :affraid:

وقالوا : بنصور معك :bounce:
قال الأسد : مايخالف pirat

المهم وهم يصورون معه جاء الباكستاني الي واقف ورى الاسد وسوى حركة غير أخلاقية بالأسد مير يعصب الأسد :evil:
ويقون يتضارب هو وإياهم وأنا ما أحط شي بذمتي هالحتسي وصلن من أبوخلق منير خان لأن فيه واحد من الي بالمضاربة
يقرب له .[/center
]

للتحميل : ارعص هنا

~>http://movie.abunawaf.com/2007/04/h2.zip

ذا داشر بس مهايطي غير شكل يفك لوحات الكامري وهي تمشي 140 << ياشيب عين أمه لوشافت المقطع :( :pale:

للتحميل :

ارعص هنا~>http://movie.abunawaf.com/2007/04/h3.zip

[center]ذا مراهق مهايطي طالع مع دريشة السيارة ومتعلق برجوله << الله يخلف على أمن جابته :shock:
للتحميل : ارعص هنا

~>http://movie.abunawaf.com/2007/04/h4.zip

ذا زول مسوي فاهم وقاعد يهايط إنه يعرف يطرح البكرة :affraid: << الناقة لاصارت بثاني متوسط
يعني بالله وش بيستفيد اذا شال ناقتن عذراء بعز شبابه وصبخ به بالارض بس الهياط مشكلة lol!

للتحميل : ارعص هنا

~>http://movie.abunawaf.com/2007/04/h5.zip

ذولي شلة مراهقين مهايطيه فاتحين باب السيارة وهي مسرعة وقاعدين يتزلجون بالدايري pirat

للتحميل : ارعص هنا

~>http://movie.abunawaf.com/2007/04/h6.zip

ذا أرنب قاعد يهايط و يتفلت على أرنب ثاني اصغر منه مانيب حارق المقطع عليكم بالله شوفوا نهايته تب تصير
على يد من << من أجمل المقاطع الي شفتها بحياتي lol!

للتحميل

: ارعص هنا

~>http://movie.abunawaf.com/2007/04/h7.zip

ذا مهايطي نازل للملعب بيتميلح قدام الجمهور مير يجيونه هالمهبل العسكري ويحوسون مريره مدزدين به والله<<يـاهوو كسر خـاطري :( :(
شرح معنى الهيآآط..ّّ!!! E99bc94390

ذولي اثنين صينيين مسوين فيها اقوياء ويعرفون تكوندو lol!

الهياط القولي
تعرف الهياط القولي :وهو مدح النفس بشي ماصار أو إدعاء ملكية شي أو التزهل بأمر ماهوب قده .
يعني مثلا الواحد يمدح نفسه وهذي واضحه أو إنه يدعي إنه يملك مثلا سيارة غالية أو وحدة تدعي إن عندها عقد ألماس
أو إن الواحد يدعي إنه يعرف شخصيات مهمة
ويكثر هذا النوع من الهياط عند الحريم والبزران من سن التاسعة الي السادسه طعش
ماعمرك سمعت بزر يقول ابوي اقوى من ابوك والا سيارتنا ازين من سيراتكم ترى ذا الهياط القولي
أمثلة على الهياط القولي